Er ég fluttur?

Hola! Me llamo Esteban. Yo soy bloggari. Reyndar veit ég ekki alveg hvað ég er að gera hér í hinum sjálfhverfa heimi Moggabloggsins því ég hef verið á http://ss.hexia.net undanfarin tvö ár rúm og gengið í gegnum súrt og sætt með Hexíu blessaðri. Þó er hugsanlegt að ég skipti en það verður þá á eigin forsendum, ekki til að blogga um fréttir Moggans og hlaða hér inn Moggavinum. Ekki misskilja mig samt, ég elska Moggann og hef unnið hjá honum í lausamennsku og íþróttafréttaritari alveg frá haustinu 1994. Reyndar hefur verið fátt um fína drætti að undanförnu enda engar almennilegar íþróttir í gangi hérna norðan heiða.

Athugasemdir

[Sóli, 27.2.2007 kl. 20:33]

"Nei... ! Hver er mættur !"

Til hamingju með tilveru þína hér í bloggheimum blog.is !

Fáum við þá að njóta þess með hreinum unaði, súkkulaðidraumum og sæluvímu, sbr. þessi færsla þín, að lesa allar þessar snilldarýktu vefdagbókarfærslur þínar hérna í framtíðinni ?

blog.is má þó eiga það að vera eitt af bestu og notendavænstu bloggkerfunum hér á fróni, sbr. undirlén, hægt að hanna eigið útlit (alveg frá grunni!), tónlistar- og myndskeiðsafspilun, stjörnugjöf, "fréttablogg", o.fl. o.fl. ...

[Stefán Þór Sæmundsson, 2.3.2007 kl. 21:40]

Takk, takk. Við Sóla vil ég segja að mér er til efs að ýktar unaðssemdir úr hugarheimi mínum eigi heima í hinu virðulega samfélagi Moggabloggara, hvar málefni líðandi stundar eru krufin og gáfuleg innslög fá jafnvel birtingu á síðum hins prentaða blaðs. Þá er ég sauðtryggur að eðlisfari, þótt ég hafi hætt að halda með Framsókn um fermingu, og því býst ég allt eins við að halda tryggð við Hexíu. - Sjáum til.